115. ආතම්මගේ පෙට්ටගම ලියන මම

ආතම්මගේ පෙට්ටගම නිල වශයෙන් පටන් අරගෙන 2012 සැප්තැම්බර් 1වනදට හරියටම අවුරුද්ද්ක්. මේ ගෙවුන අවුරුද්ද තුල පෙට්ටගමේ හාර අවුස්සපු දෙවල් නම් එච්චරටම නෑ. ඒත් ලැබුන ප්‍රතිචාරනම් සෑහෙන්න. මේ අවුරුද්ද තුල මාත් එක්ක හිටපු හැමෝටම ස්තුතියි.

මේ දිනවල තිබුන වැඩ රාජකාරිත් එක්ක එහෙන් මෙහෙන් නෙමේයි යන එන ගමන් බ්ලොග් කියවුවා මිසක එක තැනක අසුන් ගෙන කියවන්නට ඉඩක් ලැබුනේ නෑ ඒනිසාවෙන් හරියාකාර ලිපියක් ඉදිරිපත්කරන්නට හැකියාවක් ලැබුනෙ නෑ.


අවුරුදු 17ක් ලියන එක නවත්තලා උන්න මම සිංහලෙන් කියවන්න අය ඉන්න තැනක් දැකලා සතුටින් ලියන්න පටන් ගත්තා. ඒ හරියටම පහුගිය අවුරුද්දේ 2011 සැප්තැම්බරයේදි ."නිර්මාණය හා අනන්‍යතාවය" කියලා ලිපියක් මගින් අනවර්ත නාමයකින් ලිපි ලිවීමට හේතුව පැහැදිලි කලේ මගේ අනන්‍යතාවය හෙලි කරන්නට නොහැකි නිසා නෙමෙයි. 

කෙසේවෙතත් මා ආතම්මගෙ පෙට්ටගම නමින් ලියන බ්ලොග කියවන බහුතරයක් මාගේ සැබෑ අනන්‍යතාවය දන්නෙ නෑ. ඒත් මම කලින් සඳහන් කල ලිපියේ කියුවාසේ අනන්‍ය තාවය වැදගත් යැයි මම හිතන්නෙත් නෑ. ඒත් මා කවුදැයි කියා හදුන්වාදීම මගේ යුතුකමක් සේ සිතමි.
 | 

දැන් ආතම්මගේ පෙට්ටගම www.pettagama.net කියන ලින්කුවෙනුත් පරිශීලනය කල හැකියි. 

  ඉතින් "ආතම්මගේ පෙට්ටගම" ඔය ගොල්ලන්ට පෙනුන හැටි දැනගන්න මට අවසරද ?