මහේලගෙ දහස ..

අද මගෙ ලිපිය ක්‍රිකට් ක්‍රීඩවට ඇලුම් කරන අයට විශේෂයි. මෙ කතාවට අදාල වකවානුව හරියටම කියනවනම් 1993 වසර . ඔය කාලෙදි තමයි විශාරද නන්දා මාලනී මහත්මිය පවන ප්‍රසංගයෙදි කියුවෙ "පන්දු කෙලින ඉහල පාසැල් වල අමනයින්ට " කියලා, යදමින් බැඳ විලංගුලා ගීතයෙදි. ඒත් මෙ ලිපිය ලියන මම අමුම අමු ක්‍රිකට් පිස්සෙක් නිසා, මෙ පිස්සාට අනුකම්පා කොරලා ක්‍රිකට් වලට නොබැන මෙ ලිපිය කියවන්න. …


ඔන්න අද මහෙල ජයවර්ධන තම එක්දින ළකුනු 10000 අභියස ඒ කියන්නෙ 9987 එකතු කරගෙන තව ළකුණු 13 පිටුපසින් ඉන්නෙ. එදත් ඒ වගෙම දවසක්. එදා අපි පාසැල් සිසුවො. එදා මහෙල පාසැල් ක්‍රීඩකයෙකු ලෙස 993ක් ලබාගෙන ළකුණු දහසට 7ක් අඩුවෙන් උන්නෙ. බ්ලොග් ලියන කියවන අය දන්නවනෙ බ්ලොග් පොස්ට් 1000 ක් දාගන්න එක කොච්චර අමාරු වැඩක් ද කියලා. ඒවගෙම අමාරු වැඩක් තමයි ඒ දවස්වල එක පාසැල් වාරයක ලකුණු 1000ක් දාගන්න එක. මොකද ඒ කාලෙ එහෙම 1000 දාගත්ත අයට තමයි ක්‍රිකට් වලින් ශ්‍රිලංකාව නියොජනය කරන්න ලෙසියෙන් ඉඩ ලැබුනෙ. ඔය මාවන් අතපත්තු , කුමාර ධර්මසෙන, වගෙ අය ආවෙ එහෙම තමයි. … 

  

ඉතින් එදා තිබුනෙ පානදුර ශ්‍රි සුමංගල, නාලන්ද ක්‍රිකට් තරඟය. මම කියුවනෙ මම ක්‍රිකට් පිස්සා කියලා. එදත් එහෙම තමයි ඔන්න 10:30ට තරඟය ආරම්භ කලා ඉස්කොලෙ පිට්ටනියෙ තරඟය තියන නිසා පන්තියෙන් පනින එක විතරයි කරන්න ඔනෙ . එක එකා චූ කරන්න යනවා. ගුරුවරයාගෙ අවසරය අරගෙන . හැබැයි යන එවුන් එන්නෙ නෑ. අන්තිමට ක්‍රිකට් වලට අකමැති උන් විතරයි පන්තියෙ ඉතුරු උනෙ.

අපිත් විරුද්ධ කන්ඩායමෙ ඒ කියන්නෙ සුමංගලෙ සිසුවො වගෙ ක්‍රීඩා මණ්ඩපේට වෙලා තරඟය බැලුවා . මෙන්න මහෙල ළකුණු හත ගැහුවා ගැහුවෙ 1 ළකුනයි  6 එකයි. කලින් සූදානම් කරපු රතිඤ්ඤා එහෙම තිබුනා ඒවා පත්තු උනා . ටික වෙලාවකින් අපෙ මුල් ගුරුතුමා ඒ කියන්නෙ ප්‍රින්සිපල්, අපි ආදරෙට කියන්නෙ මෝසා. එයා එතන. දන්නවද අපිට දීපු දඬුවම ........................................

…හවස් වෙනකම්ම ක්‍රීඩා මණ්ඩපය ඉදිරිපිය දනගහගෙන තරඟය නැරබීම. 

…පසු සටහන් : මෙ පින්තූරය මට අහම්ම්බෙන් හමු උනෙ මෙ මගෙ මල්ලිගෙ තුනෙ පන්තියෙ පින්තූරයක් මහෙලව අදුනගන්න පුලුවන්ද කියලා බලන්නකො

…ලොකුකරන්න පින්තුරය උඩ කොටන්න