he

Friday, September 30, 2011

නිවන් ලැබීමට ...

මෙ ලිපිය මම ලියුවෙ මීට මාසෙකට දෙකකට විතර උඩදි.ඒ උනාට පල කරන අදහස තිබුනෙ වැට උඩ.මේ ලිපියට පාදක උනෙ ඇසල පෝය දවසෙ මම කුරුණෑගල ඉඳලා කළුතරට එන අතරවාරයෙ "අසපු" ගනනාවක් පසුකලා සද්ධාවන්තයන්ගෙන් පිරි පොලිම් ගනනාවක් දකින්න ලැබුනා.  සියයට අනූවක්ම හිටියෙ කාන්තා පාර්ශවය. ඉතිරි සියයට 10ත් මයෙ හිතෙ ගෑනුන්ගෙ වදේට ඒ අයට තනිරකින්න ආපු අය. එක අතක මල් වට්ටිය අනික් අතේ අදාල අසපුවේ ඕනර් හාමුදුරුවන්ගෙ ධර්ම ප්‍රචාරක පොතක්. 
 පොතක් කියුවට ඒ පොත කියවන්නම නෙමෙයි කියලා මට හිතුනෙ තවමත් අසපුවට ඇතුල් වෙන්න පොරකන පෝලිම්වල දිගනිසා බේරෙන දාඩියට පවන් ගහන්න ඒ පොත් උපයෝගී කර ගත්නිසා.  නොමිලේ පොත් බෙදා දීමෙන් අදාල හාමුදුරුවන්ට නිවන් දකින්නට පිං නම් ලබෙන්න ඇති.
තොල් උඩ දඩියට දියවෙලා බේරෙන ලිප්ස්ටික් ලෙන්සුවෙන් මාත්තුකරමින් කට්ටිය නිවන් දොරටුව ළග පොරකනවා දැක්කම මට වෙලාවකට බුදුහාමුදුරුවෝ ගැන දුකක හිතුනා

තාත්තා පෙම්බර තාත්තා


සාමා අමර හෝඩියෙ පොත මට පෙන්වා
දුන්නා රස කැවිලි නිතරම මම දන්නා.
ශිල්පයට වඩා මට විස්මිත දැනුමක් දුන්නා.
පියාණෙනි සමරමු ඔබ බැතිපෙම්මා..

දියණීය මමයි හැදුවේ ඔබ මලක් වැනි..
පෙන්වූ පිය සෙනෙහෙ කිසිදා ලබනු නොහී..
අද දින මා දමා සුරලොව රුසිරු පෙනී..
මදකට ඇවිත් යනු මැන මා පියාණෙනී..



මල්ලියි මමයි නංගියි අද එක තැනක නැත.
ගෙදර කුස්සියේ රස බත ඉදෙනු නැත..
සඳයි හිරුයි මට පේන්න ලොවෙත් නැත..
ඝනඳුර අඳුර ශෝකෙන් මා වෙලා ඇත..

ලෝකය සුන්දරයි ඔබ නිතරම කීවා..
මිනිසුන් සුන්දරයි ඔබ නිතරම කීවා..
වතුපිටි ඉඩකඩම් දුගියන් හට බෙදුවා.
ගුණයේ සුවඳ තුන් ලෝකෙට බෙදුවා..



වැඩිහිටි දිනේ සමරන්නට සැරසෙන්නේ..
මාහට ඔබව නිතරම සිහිපත් වන්නේ...
දෙමාපියන් මග දමා යන දරුවන්නේ..
ඔබලත් දිනක මහලුව වයසට යන්නේ..

(ප.ලි...සියළුම වැඩිහිටියන් ආදරයෙන් සිහිපත් කරමි.)

Thursday, September 29, 2011

...විමසුම...



විමසුවෙමි මගෙ සිතින්..
ඇසුවෙමි තරවටුකර..
තාමත් ආදරේදැයි ඔහු හට..
සිත නිරුත්තර..


මෙන්න උත්තර...
මියගිය ආදරය තාමත් ඇත
හද කොණ..
දොරගුළු දමා මටද හැරගන්නට
බැරිවෙන්නම..

Wednesday, September 28, 2011

මට වැරදුන තැන


වම්බොට්ටගෙ පොඩි පුතා
මගේ පළමු පෙම්වතා.
ඌ නම් මට හරි සෙනේ.
…මානම් උට නැත සෙනේ....

…මා පංතියෙ මුල් පෙලේ
ඌනම් අන්තිම පෙලේ....

දවසක් හරි වැඩෙ උනේ
පාසලෙ ලැබ් එක කොණේ.
මගෙ දත කට පිය උනේ

Sunday, September 25, 2011

වැසිකිලි ජල කප්පාදුව නොහොත් Cost Cutting

 යගොල්ලන්ට මතක ඇතිනෙ ව්‍යපාරික ප්‍රජාව ආර්ථික අවපාතයකට ලක්වෙච්ච යුගයක් තිබුනා. ඒ කියන්නෙ 2008-2009 වකවානුවේ. ඔන්න ඔයකාලෙ Cost Cutting  කියලා වියදම් අවම කරගැනීමට් හුගක් ව්‍යාපාරිකයො එක එක උප්පරවැට්ටි දැම්මා. වායු සමීකරණ නිවාදැම්මා, විදුලි පංකා නිවාදැම්මා. වාහනවල ඉන්දන දීමනා කපා හැරිය,යම් යම් දීමනා කපා දැම්මා , ප්‍රින්ට් අවුට් ගන්න එක අඩුකලා, දුරකතන බිල්පත් වලට ගෙවීම් අඩුකලා, බෝනස් නැතිකලා  හරි එව්වා කමක් නෑ කියමුකෝ ඔයගොල්ලො අහලා තියනවද "වැසිකිලි ජල කප්පාදුව" ගැන. ඔන්න එහෙනම් අහගන්න නැත්නම් කියවන්න

විරූපී මනමාලයාගේ පිලිතුර..

ගිම්හානිගේ මගේ අළුත් මනමාලයා.... . ට පිළිතුරක්,


උරුමෙන් උරුමයට මට ආ බූදලය
ලබමින් සැනසෙන්න පුදලා ආදරය
අමතක කර එදා  මගේ රුව විරූපය
ආවේ මගුල් බෙර මැද්දෙන් එනුඹමය   

පුදලා නුබට මුලු හදින්ම ආදරය
මං පසුතැවුනෙ නෑ  කවදා කිසිදිනය
නුබෙ මුලු සිරුර මගෙ ගත සිත  කිතිකැවිය
රස බිවු තැනක් නුබෙ නැතිබව කිවහැකිය

Saturday, September 24, 2011

මගේ අළුත් මනමාලයා.... .

කළුවන් කලු රුවයි.. එල්ලෙන බඩගෙඩියයි..
තට්ටය දිස්නෙ දෙයි ගෙදරම හඳ එලියයි..
පපුවත් හරි ලොකුයි මටනම් හරි ලැජ්ජයි..
අඩියක් මට කොටයි නැත්නම් මම කැමතියි..

දවසින් දවස සැන් පව්ඩර් මට ගෙන එන්නේ..
එනපොට නොහොඳ බව මට දැන් වැටහෙන්නේ..
සඳ නැති රැයක් බලලා මා රහසින්නේ..
අල්ලපුගෙදර කොල්ල හා පැනයන්නේ.

විරූපී මනමාලයාගේ පිලිතුර..

Friday, September 16, 2011

දේදුන්න


දේදුන්නයි ආදරයයි
එකවගේලු මට ....
බලනවිටම සැඟවීයන
මේවා කුමකට??

Thursday, September 15, 2011

ඉටු නොවූ බලාපොරොත්තුව!!!


මාරයා අත වනයි මට දැන් කලක සිට..
යන්නට සිතක් නැහැ තාමත් අනේ මට..
තවමත් ඉටු නොවූ කරුණක් සිතේ මට..
ඉවසන් මාරයෝ එනවා තුරුල්ලට...

22.අනීතික වෘත්තිය

හිරු ගිලුනු නිමේශෙක
අඩ අඳුරු පෙදෙසක
 

බිඳුනු පහන් කණුව යට සිට
නුඹ ඉඳන් අතවනයි මට


ම දුබල තැන සොයා ලා
නවතින්න කියලා..

නුඹ වත පෙනෙන විට
නුඹ අමතනා විට
 

මගේ මුලු ශරීරෙම
හිරි වැටී සලිතවිය


නුඹේ ළග උන්නු
ගෙවුනු  තත්පරය තුල
බිඳුනු සිතුවිලි වලින්
නුඹේ නිරුවත දුටිමි..


තුනට හතරට නැවුනු
අඳුරු පැහැ නෝට්ටුව
මගෙ අතින් නුඹෙ අතට
මාරුවී සුසුම්ලයි


ගනු දෙනුව අහවරයි
නුඹ කවුද
මා කවුද
කියා කවුරුත් නොදනි..


110914


පලි: ට්‍රැෆික් පොල්සි මහතෙකු  වාහන රියදුරෙකුගෙන් අල්ලසක් ගන්නවා දුටු මට සිතුවූ සිතුවිල්ලකි මේ..

Wednesday, September 14, 2011

තනිකම.....


පාළුව , දුකද, සන්තාපය හදෙහි කොණ...
සඟවාගතිමි කඳුළල් නෙතු වගුරුවන..
කේලම් අසා ඇතමුන්ගේ මුසා දෙන....
මා හැරගියේ සිතකින්දෝ කියනු මැන...

අය්යා ගෙනා ලාම්පුව..



මහ ගෙදර මහ සාලෙ
මහ ටීපොව මත
දිලිසි දිලිසී ඇතේ
අය්ය කොළඹින් ගෙනා ලාම්පුව..
තෙල් දමා පත්තුකර
දිලිසි දිලිසී ඇතත්
ගෙට එළියක් නැතේ
අය්යා ගෙනා ලාම්පුවෙන්..


ගෙට එළියක් නැතත්
නුඹෙ කුටිය තුලටවත්
ලැබුනොත් හීන් එලියක්....


960611

Tuesday, September 13, 2011

විවාහය.....










ආදරෙයිද මට?
" ඔව් සුදු මුළු ලෝකෙටම වඩා"
ඒ එදා....

ආදරෙයිද මට?
" පිස්සු නැත්නම් හොදයි"
මේ මෙදා...

Monday, September 12, 2011

Violin

මතකය

තරු ගනන් රළගනන්
ඇවිදගිය යොදුන් දුර
නොනිමවූ කතාවන්
ලෙසින් අතපසුවුනා


අලුගසා සුළං වැද
මැදියමේ අවදිවී
ගිනිපුපුරු පුබුදමින්
සිනාසී ඇවිලුනා




හිස් අහස් කුස දෙසින්
සීතලෙන් බිමට බට
වැහි බිංදු කැට දෙකක්
ළය මතින් සැතපුනා


හද කොනක උන්න නුඹ
සීතලෙන් මුසපත්ව
මගෙ නෙතු අගිස්සෙන් 
උනුසුම්ව දියවුනා...

Saturday, September 10, 2011

අවසාන ලිපිය

මගෙ හිතපතුලටම
කිඳා බැස සිර කරවු
ඒ ලිපිය,


දිනක හෝ කිසි කලෙක
මා නොපැතු
ඒ ලිපිය,


ඔබට නො-තේරෙන
මටත් නො-තේරෙන
කටොර වදනින් සපිරි
නොහඳුනනා
ඒ ලිපිය,


ඔබෙ හිත ස්පර්ශ කොට
මගෙ හිත පාරගෙන
ඔබෙන් මා වෙත ලැබුනු
අවසාන
ඒ ලිපිය,


පෑරුවා මගෙ හිත
නැවත සුව කල නොහැකි ලෙස
ඒත් දැන් ඔබ කියයි
සමා වුව මැනවි මට... 



මෙම සඳැසට පාදක වුනේ : "බාල පෙට්‍රල්වලින් හානි වු අයට ලබන සතියේ සිට වන්දි" NEWS එක


Friday, September 9, 2011

හඳට හොරෙන්

මා
යන එන තැන
 

මට හොරෙන්
හොරෙන් හිඳ
 

මා කියන කරන දෑ,
 

මට හොරෙන්
මගෙන් ගෙන
ඇයට මා ගැන කිසිත්


කියන්නට එපා නුඹ
ඔතැන හිඳ


1995-03-23

චන්ද්‍රග්‍රහනයක් අතරතුර 
හිරු සඳු හා පෘථිවිය අතර සිදුවන 
සිතුවිලි හුවමාරුවක් 
මෙම සඳැසේ පාදකය විය

Tuesday, September 6, 2011

ආයාචනය!






කමක් නෑ මගේ හිත
ඔයා අරගෙන යන්න..
අර පේන සමුදුරෙන්
දුරස්වී ඉගිලගෙන..
නොපෙනෙනා ඉසව්වට
නොදැනෙන්න ගෙනයන්න..

ළිහිනි හඬ ඇසෙන විට
රළ පවුරු බිඳෙන විට
වැහිබිංදු වැටෙනවිට
කොහෙන් හෝ  හිඳගන්න..

ඉකිබිඳින මගේ හද
අනන්තෙදි සිපගන්න...



1995-07-08

Monday, September 5, 2011

ස්ටෙෆ්නි සිරිවර්ධන කියන්නෙ මොනවද බලමු

විශ්ව රූ රැජින තරඟයට යන ස්ටෙෆ්නි සිරිවර්ධන කියන්නෙ මොනවද බලමු.

Saturday, September 3, 2011

මංගල යෝජනාව


මගෙ හිඟන බැංකුපොතේ
තිබුන සොච්චම් මුදල
මට හොරෙන් රැගෙන නුඹ
කාටද අම්මෙ දුන්නෙ.....


Friday, September 2, 2011

භිසරු ලිය හා ඇගේ හිමි

මා
බඹරෙකු බව දන්න
නුඹ,
නුඹ
මලක් බව කීවේ
මට පමනද?

Thursday, September 1, 2011

මංගල මුදුවේ කාන්තිය

නුඹේ අත මත
රැඳී ඇත්තේ

නුඹට
දුන් සෙනෙහෙ නොව,
මා
නෙතේ දිදුල
කඳුළයි...

අවම කාලයකින් අවසන් වුන ක්‍රිකට් තරඟය ගැන ඔබ අසා තිබෙනවාද?


මෙම තරඟය පවත්වලා තිබෙන්නෙ 1932 දී ඔස්ට්‍රේලියාවෙ මෙල්බෝන් පිටියෙ. පැය 5කුත් මිනිත්තු 53ක් තුල මෙම තරඟය නිමවෙලා තියනවා. තරඟයටම වැයවෙලා තියෙන්නෙ පන්දු 656යි. තරඟය පවත්වලා තියෙන්නෙ ඔස්ට්‍රේලියාව හා දකුණු අප්‍රිකාව අතර.
මුලින්ම පන්දුවට පහරදුන් දකුණු අප්‍රිකාව ලකුණු 36 කට තම ඉනිම අවසන්කරගෙන තියෙන්නෙ පන්දු ඕවර 23.2කින්.
ඔස්ට්‍රේලියානු ඉනිම ලකුණු 153කින් අවසන් වුනු අතර එම ඉනිමට පන්දු ඕවර 54.3ක් වැයකොට තිබුනා.
දෙවන ඉනිමෙදී දකුනු අප්‍රිකාව ලකුණු 45 කට සීමාවුනු අතර පන්දු ඕවර 31.3 කින් තරඟය නිමාවූයේ ඔස්ට්‍රේලියාවට ඉනිමකින් හා ලකුණු 72ක ජයක් අත් කර දෙමින්.

කෙටිම කෙටි කෙටි කථාව!

.